Амиа хорлох үзэгдэл нь манай улсын хувьд төдийгүй дэлхийн олон орон нийгэм, эдийн засгийн болон сэтгэц, нийгмийн эрүүл мэндийн тулгамдсан асуудлын нэг болоод байна.
Амиа хорлох үйлдэл: хэн нэгэн санаатайгаар, төлөвлөж өөрийн амь насыг хохироосон төрх үйл юм.
Амиа хорлох оролдлого: хэн нэгэн санаатайгаар өөрийн амь насыг хохироохоор хийсэн үйлдэл юм.
Амиа хорлох бодол: тухайн хүнд үхэх зурс хийсэн бодлоос эхлээд өдөр бүр үхэх тухай улигт бодол төрөх хүртэл тодорхой хугацааны турш үргэлжилдэг үйл явц.
Дэлхий дээр 40 секунд тутамд нэг хүн амиа хорлож нас бардаг буюу жил бүр 800000 хүн амиа хорлож нас бардаг ба түүнээс 20 дахин хүн амиа хорлох оролдлого хийж байна. Үүнээс ойролцоогоор 4 сая өсвөр насныхан амиа хорлох оролдлогыг жил бүр хийж байна. Амиа хорлолт нь 15-29 насны хүмүүсийн нас баралтын хоёрдахь үндсэн шалтгаан болсоор байна.
Эрүүл мэндийн хөгжлийн төвийн 2018 оны статистик мэдээгээр нийт нас баралтын 2.8%-ийг амиа хорлосон тохиолдол эзэлж, жил бүр 450 орчим хүн амиа хорлож нас барсан бөгөөд залуучуудын нас баралтын тэргүүлэх 3 шалтгааны нэг болж байна.
Хүйсийн харьцаагаар авч үзвэл бага дунд орлоготой орнуудад эрэгтэй, эмэгтэй хүйсийн харьцаа 1.6:1 байдаг бол манай улсад хийгдсэн УЕПГ-ын 2012-2016 онд хийсэн суурь судалгаагаар хүйсийн харьцаа 5.2:1 байсан. Дэлхий дахины сургуульд суурилсан эрүүл мэндийн судалгаанд охид, хөвгүүдийн хүйсийн харьцаа 1.5:1 амиа хорлох талаар бодож байсан гэсэн үр дүн гарсан.