Сүүлийн 12 сарын хугацаанд 4-5 шинж нь илэрч байвал донтолт үүссэн гэж үнэлнэ.

1. Цахим  тоглоомын талаар санаашрах
2. Цахим тоглоомоос холдуулахад сэтгэл гутралын шинж тэмдэг илэрнэ
3. Цахим тоглоомыг илүү удаан хугацаагаар тоглох дур үүсэх
4. Цахим тоглоом тоглохгүй гэж бодсон ч (амлалт өгөх) чадахгүй байх
5. Цахим тоглоомоос болж урьд нь сонирхдог байсан зүйлсээ сонирхох нь багасах

1. Цахим тоглоомноос үүдэлтэй нийгэм сэтгэл зүйн асуудал үүсч байгааг мэдсээр байж цахим тоглоомыг хэт их цагаар, удаан хугацаагаар тоглосоор байх
2. Цахим тоглоом хэр их тоглодгоо нууж гэр бүл, багш,  эмч болон бусад хүмүүст худлаа ярих
3. Цахим тоглоомыг сэтгэл санааны таагүй байдлаас гарахын тулд тоглох
4. Цахим тоглоом тоглосноос болж  ажил, сургууль, албан тушаал дэвших боломж, гэр бүл, найз нөхөд, зэрэг чухал харилцааг умартах

Бие махбодийн талаас гарах өөрчлөлт

• Ядарч сульдах
• Толгой өвдөх, эргэх
• Хоолны дуршил буурч, биеийн жин буурах
• Хүүхэд өвчлөмтгий болох
• Хараа муудах
• Хүзүү хөших, хөөрөх
• Нуруу болон гарны хэлбэрт өөрчлөлт илрэх
• Хүүхдийн булчин татваганах эмгэг үүсэх (нүдээ ойр ойрхон цавчлах, духаа үе үе үрчийлгэх, хоолойгоо үе үе засах)
• Ярихдаа ээрэх

Сэтгэцийн талаас гарах өөрчлөлт

• Хүүхэд огцом ууртай болох
• Анхаарал тогтворгүй
• Мартамхай болох
• Нойр муутай болох
• Хар дарж зүүдлэх, шүдээ хавирах
• Зүүдэндээ ярих, босч явах
• Сэтгэл санаагаар хямрах

Төрх үйлийн талаас гарах өөрчлөлт

• Хүүхэд худлаа ярих
• Хулгай хийх
• Гадуур тэнэх
• Хичээл таслах
• Сурлагандаа муудаж, хичээл завсардах
• Гэрээс дайжих
• Хэрэгт холбогдох
• Хорт зуршилд автах

• Хил хязгаараа шударга тогтоогоорой – Хэрвээ хүүхдэд биеийн талаас зовиур илэрч байвал /нүд улайх, нуруу өвдөх/ хил хязгаарыг яаралтай тогтоох шаардлагатай. Биелэгдэшгүй дүрэм гаргахаас болгоомжлоорой.
• Хүүхдийн насанд тохируулан хэрэглэх хугацааг эцэг эхчүүд мэддэг байх хэрэгтэй. ОХУ-ын Эрүүл ахуй, халдвар судлалын Нийгмийн эрүүл мэндийн үндэсний төв нь өдөрт хэрэглэх дээд хугацааг зааж өгсөн байдаг.

Үүнд:

• • 5 – ба түүнээс доош настай бол – 1 цаг;
  • 6 нас – 1 цаг 15 минут;
  • 7-9 нас – 1.5 цаг;
  • 10-12 нас – 2 цаг;
  • 13-14 нас – 2.5 цаг;
  • 15-16 нас – 3 цаг гэж тус тус тогтоосон.
  • 1 сард интернет, гар утасны төлбөрт зориулах мөнгөний дээд хэмжээг тогтоох.
  • Хүчирхийлэл агуулсан тоглоом тоглох, видео бичлэг үзэж байгаа эсэхэд эцэг эхчүүд хяналт тавьж, хязгаарлах хэрэгтэй.
    • Хүүхдэд өөрийгөө танин мэдэх боломж олгож, зөв үйлдлийг үргэлж сайшаан урамшуулах хэрэгтэй. Аливаа зүйлийг танин мэдэх нь айдсыг багасгаж, аюулгүй байдлыг нэмэгдүүлдэг.
    • Хүүхдийнхээ бусад сонирхлыг дэмжиж, сонирхлоо хөгжүүлэх боломж бололцоогоор хангах
    • Хүүхэдтэйгээ илэн далангүй ярилцаж, гэртээ тав тухтай байх орчин бүрдүүлээрэй. Харилцаа нь итгэл найдварыг баталгаажуулж, ойр дотно болгодог.
    • Хүүхдэдээ цаг зав гарган, хамтдаа чөлөөт цагаа хэрхэн өнгөрүүлэх талаар саналаа солилцоорой.
    • Хүүхдэдээ тавих хараа хяналтаа сайжруулан, багштай нь байнга холбоотой байгаарай.
    • Хүүхдийнхээ компьютер, гар утас, интернэтээр юу үздэг талаар шүүмжлэхгүйгээр ярилцах – Шинэ зүйлийг авч өгөх, хэрэглэхэд нь хүүхдийнхээ бодит хэрэгцээ, хүслийг бодолцож үзээрэй.
    • Өөрөөрөө үлгэрлэх –  Үлгэр дуурайлал зохион байгуулалтанд сургадаг. Эцэг эхчүүд өөрсдийн хэрэглээгээ /гар утас, зурагт, компьютер/ анзаарах хэрэгтэй.

  Таны гэр бүлд аз жаргал, эрүүл энхийг хүсье!